ЦХИНВАЛ, 24 май — Sputnik. Уæззау атлетикæйæ Уæрæсейы чемпионат ацæудзæн Дзæуджыхъæуы 24-29 майы, ардæм æрцæудзысты 300 спортсменæй фылдæр æнæхъæн бæстæйæ, хъусын кæны Цæгат Иры спорты министрад.
"Галуаны сценæмæ рахиздзысты бæстæйы тыхджындæр атлеттæй 300 фылдæр, кæцытæ стох кæндзысты æрмæст сыгъзæрин майдантыл нæ, фæлæ ма Олимпиаг хъæзтытæм балцæгтыл дæр", — дзырдæуы министрады хъусинаджы.
Уæлахиздзаутæ суæвынæн бæрзонд шанстæ ис цæгатирыстойнаг богалтæ — Хуыгаты Хетæг, Албегаты Руслан, Наниты Тимур æмæ Къæбысты Артурæн.
Чемпионаты организатортæ сты УФ спорты министрад, РЦИ — Аланийы спорт æмæ физикон культурæйы министрад, Уæрæсейы уæззау атлетикæйы федераци æмæ республикæйы уæззау атлетикæйы федераци.
Чемпионат цытджын æгъдауæй байгом уыдзæн 24 майы 17 сахатыл.
