Уæрæсейы уæлдæр ахуыргæнæндæттæ райстой 114 хуссарирыстойнаг рауагъдоны

© Sputnik / Сергей Кузнецов /  Ахизын медиабанкмæАбитуриенткæ
Абитуриенткæ - Sputnik Хуссар Ирыстон
Рафыссын
УФ уæлдæр ахуырадон уагдæттæм сæ документтæ цы рауагъдонтæ нæ бадæттой, уыдон ахуырмæ бацæудзысты ХИПУ æмæ Цхинвалы бирæпрофилон колледжмæ.

ЦХИНВАЛ, 24 май — Sputnik, Хъотайты Мария. Уæрæсейы уæлдæр ахуыргæнæндæттæм 2016 азы ахуырмæ бацæудзысты 114 хуссарирыстойнаг рауагъдоны фехъусын кодта йӕ пресс-конференцийы РХИ ахуырад æмæ зонады министр Гасситы Натали.

Уый банысан кодта, 73 абитуриенты уæрæсейаг ахуыргæнæндæттæ кӕй райстой "Россотрудничество"-йы хаххыл. Иннæтæ та бацыдысты, ахуырады министрад æмæ уæрæсейаг уæлдæр ахуыргæнæн уагдæтты æхсæн бадзырдты фӕлгӕтты цы квотæтæ рахицæн æрцыд, уыдон фӕрцы.

Рауагъдон хъомпал

"УФ финансон академимæ æрвитæм æртæ рауагъдоны, йæ цæгатирыстойнаг филиалмæ — ноджы æхсæзы, ЦИПУ-йы та нын рахицæн кодтой фараст бынат. Рауагъдонты чысыл процент сæхи тыхтæй дæттынц фæлварæнтæ ЕГЭ-йы бындурыл, Цæгат Ирыстоны ахуыргæнæндæттæм ахуырмæ бацæуыны тыххæй", — загъта ахуырады министр.

"Россотрудничество"-йы бындурыл УФ-йы ахуырадон уагдæттæм æвзæрст уагъд цыд рауагъдон фæлварæнтæй æрдæгаз раздæр. Кандидатты æвзæрстой зонындзинæдтæ, уырыссаг æвзаг æмæ математикæйæ олимпиадæтæм, афтæ ма ЕГЭ-йы тестытæм гæсгæ.

"Раздæр азты нæ рауагъдонты хъуыд бавдисын Россотрудничествомæ æрмæстдæр сæ документтæ æмæ нысæнттимæ табель. Фæлæ, кæй зæгъын æй хъæуы, æрмæст нысæнттæм гæсгæ, ахуыргæнинаджы зонындзинæдтæ зын у сбæлвырд кæнын. Уымæ гæсгæ ацы аз райстæуыд тӕрхон, цæмæй сывæллæтты зонындзинæдтæ бæлвырд цæуой алыгъуызон тестытæ, ЕГЭ æмæ олимпиадæты руаджы", — загъта Гасситы Натали.

Министры ныхæстæм гæсгæ, ацы азы рауагъдонтæ сты хорз цæттæ. Уымæ гæсгæ бацæуæн фæлварæнтæ ахызтысты иууылдæр. Рауагъдонтæм ма разæй æнхъæлмæ кæсы хатдзæгон аттестаци.

"Ныридæгæн нæм ис 14 кандидаты майдан райсынмæ. Рауагъдон экзаментæ рабæрæг кæндзысты, чи бауыдзæн сыгъзæрин, чи та æвзист майданы хицау", — загъта министр.

Гасситы Натали ма банысан кодта, министрад йæ хъус кæй дары, Уæрæсейы университеттӕм ивгъуыд ӕзты чи бацыд, уыдон куыд ахуыр кæнынц, уымæ дӕр.

Уæрæсейы уæлдæр ахуырадон уагдæттæм сæ документтæ цы рауагъдонтæ нæ бадæттой, уыдон ахуырмæ бацæудзысты ХИПУ æмæ Цхинвалы бирæпрофилон колледжмæ. Колледж æххæст ахуырадон процессæй сифтонг кæнын нысанæн ныртæккæ æлхæд цæуы ног техникæ.

Фӕстаг дзӕнгӕрӕг Цхинвалы - Sputnik Хуссар Ирыстон
Хуссар Иры ацы аз скъолайæн хæрзбон зæгъдзысты 489 ахуыргæнинаджы

Ног колледжы цайдагъ кæндзысты ахæм популярон професситыл, куыд автомеханик, згъæрыл кусæг, хуыйæг æмæ бирæ æндæртæ. Ныртæккæ Хуссар Ирыстоны бирæ нæй специалисттæ-æрмдæснытæ, нæй нæм хорз автосервистæ, цыран æххæст цалцæг кæнынц алыгъуызон фæсарæйнаг машинæтæ. Шофыртæн сæ фылдæр сæ фæсарæйнаг маркæ машинæтæ фæкæнынц Цæгат Ирмæ.

"Ныййарджытæн сæ фылдæры фæнды, цæмæй сæ сывæллæттæ æнæмæнгæй суой юристтæ, экономисттæ кæнæ дохтыртæ, афтæмæй та не ‘хсæнад æййафы хъуагдзинад бирæ професситы. Æмæ æз нымайын, бирæпрофилон колледжы рауагъдон тагъддæр кæй ссардзæн куыст, престижон университеты рауагъдонимæ абаргæйæ", — банысан кодта ахуырады министр.

Ацы аз республикæйы скъолатӕ каст фесты 489 рауагъдоны. Æдæппæт 2015 азы онг УФ уæлдæр ахуырадон уагдæттæм ахуырмæ æрвыст æрцыд 1115 абитуриенты.

Ног хабӕртты лентӕ
0