Ацы аз скъола каст фæуыдзысты 489 рауагъдоны — уыдонæй 368 сты цхинвайлаг скъолаты рауагъдонтæ, иннæ 121 та — районон скъолаты.
Горæты иууыл бирæнымæц скъолатæй иуы — дыккæгæм скъолайы — фæстаг дзæнгæрæг айзæлд 67 рауагъдонæн.
Куыд иннæ скъолаты, афтæ ам дæр мадзалы райдианы рахастой паддзахадон тырыса æмæ сæххæст кодтой республикæйы гимн, кæцыйæн æмзард кодта æппæт скъола.
Ацы бон ма 67 рауагъдоны иууылдæр сæххæст кодтой традицион вальс æмæ ирон националон кафт "Симд".
