ЦХИНВАЛ, 31 май — Sputnik. Информацион агентад æмæ радио Sputnik фотокорреспонденттæ Владимир Песня, Алексей Филиппов æмæ Григорий Сысоев ссисты спортивон къамы æхсæнадæмон конкурс Sportfolio Festival лауреаттæ категорийы "Новость/Действие" (News/Action Category). Хорзæхтæ дæттыны цытджын церемони уагъд æрцыд 27 майы Нарбоны (Франц) уæлахиздзауты куыстыты равдысты фæлгæтты, кæцы адарддæр уыдзæн 2016 азы 19 июнмæ.
Фотокорреспондент Владимир Песня бацахста дыккаг бынат, Александр Филлипов — æртыккаг бынат. Гран-прийы хицау та ссис Григорий Сысоев.
"Мæ коллегæтимæ Sputnik-æй мах иудадзыг исæм спортивон дунейы цаутæ æмæ мын тынг æхсызгон у, спортивон журналистикæйы æхсæнадæмон конкурсы жюрийы уæнгтæ ахæм бæрзонд аргъ кæй скодтой нæ куыстытæн", — банысан кодта Sputnik фотокорреспондент Григорий Сысоев.
Æхсæнадæмон конкурс Sportfolio Festival у спортивон къамы конкурс. Ныртæккæ уый у иунæг фестиваль, кæцы нывонд у æрмæстдæр спортивон къамты дæснытæн æмæ хахх кæны дæсниад — спортивон къамисæджы — ахадындзинад. Конкурс гом у алы спортивон журналистæн дæр. Жюрийы сæргълæууæг у журналистикæйы æхсæнадæмон фестиваль Visa Pour l'Image бындурæвæрæг Жан-Франсуа Лерой.
