ЦХИНВАЛ, 1 июн — Sputnik. Советон Цӕдисы дыууӕ хатты хъайтар Плиты Иссӕйы цардвӕндагыл студи "Кадрик" сарӕзта мультфильм, хъусын кӕны 15 регион.
Ацы куыст у сабитӕн фыццаг патриотон темӕйыл мультфильм. Йӕ сарзыныл активонӕй архайдтой сывӕллӕттӕ сӕхӕдӕг.
"Мультфильм арӕзт ӕрцыд студийы сывӕллӕтты хайадистӕй. Уыдон пластилинӕй сцӕттӕ кодтой хъайтарты, сныв кодтой кӕцыдӕр сценӕтӕ ӕмӕ уый фӕстӕ бавнӕлдтой исынмӕ. Сӕрмагондӕй мильтфильм "Иссӕ"-йӕн фыст ӕрцыдысты ӕмдзӕвгӕтӕ", — загъта проекты къухдариуӕггӕнӕг Гадзацаты Алана.
Уый ма банысан кодта, мультфильмӕн кӕй ис патриотикон ӕмӕ ахуырадон нысаниуӕг, уый сывӕллӕтты хъустард аздахдзӕн бӕстӕйы историмӕ.
Йӕ ныхӕстӕм гӕсгӕ, студи "Кадрик"-ы кусджытӕ фӕнд кӕнынц ацы куыст адарддӕр кӕнын, ахӕм патриотикон мультфильмтӕ ма арӕзт ӕрцӕудзысты ӕндӕр ирон хъайтартыл дӕр.
