ЦХИНВАЛ, 3 июн — Sputnik. Хуссар ӕмӕ Цӕгат Ирыстоны Дзуары лӕгтӕ сарӕзтой иумӕйаг совет, йе ‘скондмӕ бацыдысты Иры ӕппӕт кӕмтты минӕвӕрттӕ дӕр, хъусын кӕны 15 регион.
Совет йӕ разы ӕвӕры хӕс — ирон ӕгъдӕуттӕ ӕмӕ традицитӕ сфидар кӕнын ӕмӕ бахъахъхъӕнын.
"Советы куысты сӕйраг здӕхӕнтӕй иу у фӕсивӕдимӕ куыст, йӕ уӕнгтӕн уыдзӕн фембӕлдтӕ сколадзаутӕ ӕмӕ ӕндӕр ахуырадон уагдӕтты минӕвӕрттимӕ ӕмӕ сӕ зонгӕ кӕндзысты ирон ӕгъдӕуттимӕ", — дзырдӕуы хъусинаджы.
Фӕстӕдӕр та дзуары лӕгты раныхасты бындурыл рауадздзысты чингуытӕ, кӕцытӕм хаст ӕрцӕудзысты Ирыстоны ӕппӕт дзуӕртты номхыгъд ӕмӕ сӕ нысан кӕныны ӕгъдӕуттӕ.
Дзуары лӕгты цӕдис арӕзт ӕрцыд ӕхсӕнадон змӕлд "Иудзинад"-ы бындурыл.
