Полици æмæ Уæрæсейы гварди Цæгат Иры æрцахстой "къæрных законы" Гæззаты Давиды

© Sputnik / Кирилл Каллиников /  Ахизын медиабанкмæПолици æмæ Уæрæсейы гварди Цæгат Иры æрцахстой "къæрных законы" Гæззаты Давиды
Полици æмæ Уæрæсейы гварди Цæгат Иры æрцахстой къæрных законы Гæззаты Давиды - Sputnik Хуссар Ирыстон
Рафыссын
Гæззаты Давиды, фæсномыгæй "Дзæуджыхъæуккаг Датойы", æрцахстой Дзæуджыхъæуы уголовон агуырды кусджытæ Уæрæсейаг гвардийы сæрмагонд къорды æххуысæй. Басгæрсты рæстæджы йæм полицийы кусджытæ ссардтой хæдарæзт пистолет нæмгуытимæ.

ЦХИНВАЛ, 9 июн — Sputnik. Полицийы кусджытæ Уæрæсейаг гвардийы сæрмагонд къорды æххуысæй Дзæуджыхъæуы æрцахстой "къæрных законы" Гæззаты Давиды, фæсномыгæй "Дзæуджыхъæуккаг Дато", фехъусын кодта æртыццæджы УФ Мидхъуыддæгты министрады сайт.

"Цӕгат Ирыстоны мидхъуыддӕгты министрады уголовон фæдагуырды управленийы кусджытæ Националон гвардийы æфсады федералон службæйы кусджыты тыхон æххуысæй "Дзæуджыхъæуккаг Датойы" æрцахстой Дзæуджыхъæуы Барбашовы уынгыл", — дзырдæуы хъусинаджы.

2014 азы Гæззаты Давиды æрцахстой æмæ йын рахастой условон тæрхон хæцæнгарз æнæзаконон æгъдауæй химæ дарыны тыххæй.

Басгæрсты рæстæджы йæм полицийы кусджытæ ссардтой хæдарæзт пистолет æмæ фараст нæмыджы. Хæцæнгарзы æнæзакъонон æрзылды тыххæй азымгонды ныхмæ баконд æрцыд уголовон хъуыддаг. Ныртæккæ слестгæнджытæ кусынц, æндæр фыдракæндты дæр ма раздæр иста хайад æви нæ.

Ног хабӕртты лентӕ
0