ЦХИНВАЛ, 10 июн — Sputnik. Ихуард æмæ 25 м/с онг дыхдымгæ бахъыгдардзысты майрæмбоны Цæгат Ир æмæ Цæцæны цæрджыты цардифтонгад, фæдзæхсы Уæрæсейы УУМ.
"Центр "Антистихия"-йы бæрæггæнæнтæм гæсгæ, Цæгат Ирыстон æмæ Цæцæны территорийыл 10 июны уыдзæн тæрккъæвда æмæ ихуард, дымгæйы футтытæ хæццæ кæндзысты 20-25 м/с", — дзырдæуы прогнозы.
УУМ-ы экспертты бæрæггæнæнтæм гæсгæ, æвзæр боныгъæд фехалдзæн энергетикæйы, бастдзинад æмæ цӕрӕнуатон-коммуналон хӕдзарады объектты æмæ транспорты алы хуызы куыст дæр, хæхты та тас у цъыфы зæйты æрцыдæй.
Цæцæны дæргъвæтин тæрккъæвдаты аххосæй цы районтæ зиан баййæфтой, уыдон нымæц схæццæ 11-мæ, цыппæрæмы дзы расидт æрцыд уæлвæткон уавæры режим.
