ЦХИНВАЛ, 10 июн — Sputnik. Уалдзыгон ӕрсидт райдыдта Хуссар Ирыстоны, республикӕйы гарзджын тыхты рӕнхъытӕ баххӕст кӕндзысты 130 ӕрсидтоны, фехъусын кодтой Sputnik хъахъхъӕнынады министрады пресс-службӕйы.
"Республикӕйы территорийыл 6- 20 июны уагъд цӕуы ӕрсидтон кампани. Ӕвзонг лӕппутӕ рацӕудзысты медицинон басгӕрст, уый фӕстӕ сын ратдзысты ӕппӕт ӕнӕмӕнгхъӕуӕг мигӕнӕнтӕ ӕмӕ сӕ акӕндзысты сидтонты ахуырадон центрмӕ", — радзырдта ведомствӕйы минӕвар.
Ӕфсӕддон службӕмӕ ӕрсиддзысты 130 адӕймаджы 18-27 азы кары.
Афтӕ ма министрады банысан кодтон, зӕгъгӕ ӕфсӕддон службӕйӕн ӕнӕбӕзгӕ ӕрсидтонтӕ рацӕудзысты хоскӕнынад ӕмӕ та фӕззыгон ӕрсидты рӕстӕджы рацӕудзысты ӕфсӕддон-медицинон къамис.
Ахуырадон курсы фӕстӕ ног ӕрсидтонтӕ райсдзысты ардбахӕрд. РХИ гарзджын тыхты службӕ кӕныны ӕмгъуыд у афӕдз ӕмӕ ӕрдӕг.
Хуссар Ирыстоны гарзджын тыхтӕ арӕзт ӕрцыдысты 1990 ӕзты райдайӕны, Гуырдзыстон та радон хатт хӕстон архайдтытӕ куы райдыдта республикӕйы ныхмӕ, уӕд.
