ЦХИНВАЛ, 14 июн — Sputnik. Хуссар Иры сывӕллӕтты ӕмӕ ӕрыгон фӕсивӕды боксы скъолайы хъомылгӕнинӕгтӕ бацахстой фыццаг ӕмӕ дыккаг бынӕттӕ Цӕгат Ирыстоны фыццагады боксӕй, фехъусын кодта Sputnik скъолайы минӕвар Кокойты Ирбег.
"Цыппар лӕппуйы акодтам ӕмӕ дзы дыууӕ ӕрыздӕхтысты хорз бӕрӕггӕнӕнтимӕ. Дзӕгъиаты Ацӕмӕз иууыл уӕззаудӕр категорийы ссис уӕлахиздзау, уый финалы тох кодта ӕндӕр цхинвайлаг боксеримӕ. Коцты Вадим та 69 килограммы уӕзы бацахста дыккаг бынат", — радзырдта Кокойты Ирбег.
Йӕ ныхӕстӕм гӕсгӕ, ацы уӕлахиз Дзӕгъиаты Ацӕмӕзӕн радта фадат 4 июлы та стох кӕнын "Юность России"-йы ерысты. Хуссарирыстойнаг боксер ацы ерыстӕм йӕхи цӕтӕ кӕнын райдайдзӕн 18 июнӕй фӕстӕмӕ Цӕгат Ирыстоны ӕмбырдгонды сконды.
Спортсменимӕ кусынц тренертӕ Кокойты Мурат ӕмӕ Чехойты Алан.
