ЦХИНВАЛ, 17 июн — Sputnik. Хуссар Ирыстоны сидзӕр сывӕллӕттӕ ӕмӕ ӕххуысхъуаг бинонты сывӕлллӕттӕ ӕртӕ къуырийы дӕргъы баулӕфдзысты Воронежы областы улӕфӕндон "Зеленый огонек"-ы, фехъусын кодта Sputnik Цхинвалы скъола- интернаты директор Тедеты Роланд.
Воронежмӕ ацӕудзӕн 15 сывӕллоны, уыдон сты Цхинвалы скъола-интернат, Дзауы скъола-интернат ӕмӕ Ленингоры сывӕллӕтты хӕдзарӕй.
"Ацы сабитӕ, хъыгагӕн, цӕрынц мӕгуырау уавӕрты ӕмӕ нӕ фӕнды, цӕмӕй сӕхи аирхӕфсой", — банысан кодта Тедеты Роланд.
Ахӕм фадат хуссарирыстойнаг сабитӕн ныр цыппар азы дӕргъы саразы Уӕрӕсейы ӕфсӕнвӕндӕгты разамынад, ацы аз дӕр та уыцы хъуыддагӕн рахицӕн кодтой 500 мин соммӕ ӕввахс.
