ЦХИНВАЛ, 17 июн —Sputnik пресс-службӕ. Ӕхсӕнадӕмон мультимедион агентад ӕмӕ радио Sputnik бакодта Хуссар Ирыстоны мультимедийон редакцион центр, кӕцыйы сконды сты ирон ӕмӕ уырыссаг ӕвзӕгты порталтӕ, бӕрзондтехнологион пресс-центр ӕмӕ радиофидиуӕн. Центр бакодтой РХИ президент Тыбылты Леонид ӕмӕ Sputnik Хуссар Ирыстоны къухдариуӕггӕнӕг Нарек Ордян. Церемонийы цытджын уазӕг ссис УФ-йы ӕххӕстбарджын минӕвар Республикӕ Хуссар Ирыстоны Къарджиаты Эльбрус.
"Нырыккон мультимедион фӕзуат Sputnik байгом республикӕйы у зынгӕ ӕмӕ ахсджиаг цау Хуссар Ирыстоны информацион къабазы, уымӕн ӕмӕ йын нӕй аналогтӕ республикӕйы. Нырыккон ифтонггарзы фӕрцы информацион агентад Sputnik фадат ис видеобастдзинад аразын дунейы цыфӕнды къуымимӕ дӕр. Уый та дӕтты фадат цӕстӕнгас ӕвдисын ӕндӕр ӕмӕ ӕндӕр проблемӕты фӕдыл онлайн режимы, уый та бӕрӕг уӕрӕхдӕр кӕны экспертон ныхасы географи", — загъта Хуссар Ирыстоны президент Тыбылты Леонид.
"Sputnik коллективӕн абон у символикон датӕ, рацыд растдӕр иу аз, Sputnik Хуссар Ирыстон онлайн-режимы куы райдыдта кусын, уӕдӕй. Портал, радио ӕмӕ пресс-центр цы ног фӕзуат иу кӕны, уый байгом фӕахъаз уыдзӕн информацион ӕмгуыстад фӕактивондӕр кӕнынӕн", — загъта Sputnik Хуссар Ирыстоны къухдариуӕггӕнӕг Нарек Ордян.
Портал Sputnik Хуссар Ирыстон йӕ куыст райдыдта националон ӕмӕ уырыссаг ӕвзӕгтыл 2015 азы июны. Ресурсы редакторты ӕмӕ журналистты профессионалон командӕ кӕсджыты размӕ хӕссы актуалон ӕхсӕнадӕмон цауты фӕдыл алыгъуызон цӕстӕнгас. Радио Sputnik Хуссар Ирыстон дзуры бӕстӕйы ӕппӕт территорийыл, ӕмӕ адӕмы размӕ хӕссы ӕхсӕнадон-политикон ӕмӕ культурон тематикӕйы фӕдыл программӕтӕ. Афтӕ ма ног хабӕртты рауагъдтӕ.
Мультимедион пресс-центр Sputnik Республикӕ Хуссар Ирыстоны (г. Цхинвал, Мӕскуыйы уынг, 5) — нырыккон мультимедион фӕзуат, бӕрзондтехнологион ифтонггарз, кӕцы дӕтты фадат ӕндӕр ӕмӕ ӕндӕр форматы мадзӕлттӕ уадзын. Журналистты ӕмӕ уазджыты дӕлбарады сты — ӕнцонвадат пресс-зал, информациимӕ кусыны инфраструктурӕ, уый нымӕцы Wi-Fi.
Sputnik (sputniknews.com) — ног хабӕртты агентад ӕмӕ радио мультимедион информацион хабтимӕ дӕсгай бӕстӕты. Sputnik-ы сконды сты 30 сайттӕй фылдӕр, аналогон ӕмӕ цифрон радиофидиуӕн, мобилон ӕмхасӕнтимӕ ӕмӕ социалон хызӕгты фӕрстимӕ.
