ЦХИНВАЛ, 20 июн — Sputnik. Ӕппӕтуӕрӕсейон адӕмон сывӕллӕтты сфӕлдыстады фестиваль "Вместе мы — Россия"-йы уӕлахиздзау ссис Цӕгат Ирыстоны кафты ансамбль "Сӕрмӕт", хъусын кӕны 15 регион.
Фестиваль уагъд цыд Мӕскуыйы. Ансамбль "Сӕрмӕт" сӕххӕст кодта дыууӕ кафты — "Бӕрӕгбонон Ирыстон" ӕмӕ "Симд".
"Фестивальмӕ куырдиӕттӕ балӕвӕрдтой 150 коллективы, фӕлӕ уыдонӕй мадзалмӕ бахаудта ӕрмӕстдӕр 35. "Сӕрмӕт" сӕххӕст кодта дыууӕ номыры — фестиваль бакӕныны рӕстӕджы равдыстой кафт "Бӕрӕгбонон Ирыстон" ӕмӕ гала-концерты та "Симд", — радзырдта ансамблы аивадон къухдариуӕггӕнӕг Гугкаты Эдурады ныхӕстӕ.
Уый ма бафтыдта, "Сӕрмӕты" ма кӕй фӕхуыдтой ӕндӕр фестивальтӕм ӕмӕ ныр та кафджытӕ сӕхи цӕттӕ кӕнынц Хъырым ӕмӕ Сочимӕ ацӕуынмӕ.
