ЦХИНВАЛ, 20 июн — Sputnik. Цæгат Ирыстоны Алагираг районон тæрхондон рахаста зылынгæнæн тæрхон фыдгæнджыты къорды хайадисæгæн, кæцы республикæйы территори ифтонг кодта хæцæнгарз æмæ хæстæрмæджытæй, фехъусын кодта Sputnik Уæрæсейы ÆФС-йы зылдон управленийы пресс-службæйы.
Тæрхондон сбæлвырд кода, Цхинвалæй ацæуæг 28-аздзыд Куыдзеты Спартак кæй сарæзта фыдракæндтæ УФ УК 222 æмæ 226.1 статьятæм гæсгæ.
"Ауагъдгонд оперативон-фæдагурæн мадзæлтты фæстиуджытæм гæсгæ, фигуранты æрцахстой паддзахадон арæны сæрты рахизыны рæстæджы ВАЗ 21115 машинæйыл, багажы йæм ссардæуыд хæцæнгарз — автомат АК — 47 æмæ 7,62 мм калибр 88 нæмыджы", — дзырдæуы хъусинаджы.
Æдæппæт æнæзакъонон æрзылдæй ист æрцыд цыппар пистолеты, иу автомат æмæ 150 нæмыгæй фылдæр.
Тæрхондон аскъуыддзаг кодта фыдгæнæгæн æртæ аз ӕмӕ æхсæз мæйы иумæйаг режимимæ колонийы фæбадын.
