Рæсугъд чызджытӕ ӕмӕ лӕппуты дыууæварс дæр æрæмбырд сты рауагъдонты цинæйдзаг ныййарджытæ, кæстæр хотæ æмæ æфсымæртæ, кæцытæ сæ истой мобилон телефонты камерæйæ.
Сырх гауызы кæрон рауагъдонтыл æмбæлд республикæйы президент Тыбылты Леонид, кæцыйæн уыдон дзырд дæттой, республикæ æмбæлон æмвæзадыл кӕй æвдисдзысты уæрæсейаг уæлдæр ахуырадон уагдæтты ахуыры рæстæджы.
Рауагъдон чызджыты рæсугъд къабатæ, макияж æмæ прическæтæ, даргъ хъусдарӕнтӕ æмæ уæззау кольетæ — иууылдæр дзурæг уыдысты ууыл æмæ сæхи лæмбынæг кæй бацæттæ кодтой ацы стыр бæрæгбонмæ.
1/12
© Sputnik / Алексей Ковалев
Хуссар Иры 2016 азы скъола каст фесты 489 ахуырдзауы.
2/12
© Sputnik / Алексей Ковалев
Рауагъдон экзаменты фæстæ зноны скъоладзаутæн сарæзтой цытджын мадзал.
3/12
© Sputnik / Алексей Ковалев
Сырх гауызыл хицауады рабадтыты залмӕ цыдысты рӕсугъд фӕлынд чызджытӕ ӕмӕ лӕппутӕ, афтӕ ма сӕ ахуыргӕнджытӕ.
4/12
© Sputnik / Алексей Ковалев
Изӕры та Театралон фӕзуатыл уагъд æрцыд концерт.
5/12
© Sputnik / Алексей Ковалев
Рауагъдонтæ сæхи цæттæ кодтой ацы бæрæгбонмæ иууыл къаддæрæй æрдæг азы.
6/12
© Sputnik / Алексей Ковалев
Чызджытæ æвзæрстой къабатæ æмæ прическæтæ сæ ног царды фыццаг нысаниуæгджын мадзалмæ.
7/12
© Sputnik / Алексей Ковалев
Сырх гауызыл æрмæст рауагъдонтæ не сты, фæлæ ма сæ ахуыргæнджытæ æмæ скъолаты къухдариуæггæнджытæ.
8/12
© Sputnik / Алексей Ковалев
Мадзалы цытджын хай кæронмæ куы бахæццæ, уæд сывæллæттæ схъæлдзæг сты.
9/12
© Sputnik / Алексей Ковалев
Концертмæ хуынд æрцыдысты арты шоуы артисттæ.
10/12
© Sputnik / Алексей Ковалев
Кæсджытæй чидæртæ сæхæдæг дæр æвдыстой хъæлдзæг номыртæ.
11/12
© Sputnik / Алексей Ковалев
Скъолайы 11 аз ахуыр æмæ рауагъдон экзаментæ баззадысты фæстейæ.
12/12
© Sputnik / Алексей Ковалев
Разæй сæм æнхъæлмæ кæсы царды æндæр къæпхæн.
