ЦХИНВАЛ, 22 июн — Sputnik. УФЦ цæттæ у Черчесты Станислав кæнæ Курбан Бердыевмæ бахатын, Леонид Слуцкий футболæй Уæрæсейы æмбырдгонды сæйраг тренеры бынатæй куы ацæуа, уæд, фехъусын кодта дыццæджы Р-Спорт.
Слуцкийы фæдыл скъуыддзаг райст æрцæудзæн, Евро- 2016 кæронмæ куы бахæццæ уа, уæд, фехъусын кодта УФ спорты министр, Уæрæсейы футболон цæдисы (УФЦ) президент Виталий Мутко.
Раздæр уыд информаци, Слуцкий куыдфæндыйæ дæр кæй ацæудзæн националон командæйы тренеры бынат.
Черчесты Станислав 2015/16 сезоны тренировкæ кодта Польшæйы "Легия"-йы, командӕимӕ рамбылдта Польшæйы чемпионат æмæ Кубок. Июны райдианы командæйы къухдариуæгад фехъусын кодта, кæй нал кусдзæн ацы специалистимæ кæрæдзиимæ бадзургæйæ.
