ЦХИНВАЛ, 27 июн — Sputnik. Хуссар Ирыстоны уæвæг 4-æм уæрæсейаг æфсæддон базæйы службæгæнджытæ уадзынц бронетехникæйыл доны цæлхдурты сæрыл хизыны фæдыл ахуыртæ, фехъусын кодта ХÆЗ-ы пресс-службæйы.
Ахуыртæ уагъд цæуынц цæгатирыстойнаг полигон "Тарскæ"-йы, хайад сæ исынц 400 æфсæддон службæгæнæджы Дагестан, Цæцæн, Цæгат æмæ Хуссар Ирыстоны дислокацигонд æфсæддон дæлхайадтæ æмæ баиугæндтæй.
"Æфсæддон службæгæнджытæ ахуыр кæнынц доны цæлхдурты сæрыл хизын фистæгæфсады хæстон машинæтыл — БМП-2 æмæ БМП-3, бронетранспортертыл БТР-82А, бирæнысаниуæгджын транспортертыл МТ-ЛБВ", — дзырдæуы зылды хъусинаджы.
Практикон архæйдтытæ уагъд цæуынц сæрмагонд донуаты. Доны хæстон машинæтæ хъуамæ ахизой сæрмагондæй арæзт цæлхдурты иувæрсты, саразой разылдтæ æмæ æндæр маневртæ.
