ЦХИНВАЛ, 1 июл — Sputnik. Хуссар Ирыстон Сомихстонӕй ницы куырдиат райста сомихаг уӕзласӕн машинӕтӕ республикӕйы территорийыл уадзыны фарсты тыххӕй, фехъусын кодта Sputnik президенты пресс-секретарь Гана Яновская.
Ӕфсӕддон-гуырдзиаг фӕндагыл уӕлвӕткон уавӕры ӕрцыды фӕстӕ, Сомихстон агуры альтернативон фӕндӕгтӕ, цӕмӕй контролон-уадзӕн пункт "Уӕллаг Ларс" мауал уа бӕстӕйӕн иунӕг фӕндаг Уӕрӕсемӕ. Сомихстоны транспорт ӕмӕ бастдзинады министр Гагик Бегларян фехъусын кодта, кӕй нымайы "Хуссар Ирыстоны транзитон бӕстӕйыл". Фӕлӕ Хуссар Ирыстоны ацы фарстыл ницы уынаффӕтӕ цӕуы.
"Махмӕ ацы фарсты фӕдыл ничи ӕрбахатыд", — загъта Тыбылты Леониды пресс-секретарь.
Контролон-уадзӕн пункт "Уӕллаг Ларс" ӕрӕхгӕныны фӕстиуӕгӕн Ӕфсӕддон-гуырдзиаг фӕндагыл баззадысты сӕдӕйӕ фылдӕр сомихаг ӕмбӕстӕгтӕ. Уӕрӕсейы УУМ сӕ фӕхӕццӕ кодта Ереванмӕ авиацийы руаджы. Фӕлӕ ӕввахс рӕстӕджы сомихстонӕн нӕ уыдзӕн транспортон бастдзинад Уӕрӕсеимӕ Гуырдзыстоны территорийы уылты.
