Уелиты цӕрджытӕн бамбарын кодтой арӕнгӕрон зонӕмӕ цӕуыны уагӕвӕрд

© Пресс-служба КГБ РЮОУелиты цӕрджытӕн бамбарын кодтой арӕнгӕрон зонӕмӕ цӕуыны уагӕвӕрд
Уелиты цӕрджытӕн бамбарын кодтой арӕнгӕрон зонӕмӕ цӕуыны уагӕвӕрд - Sputnik Хуссар Ирыстон
Бафыссын
НовостиTelegram
Уелиты хъӕуы цӕрджытӕ хъаст кӕнынц, арӕнгӕрон зонӕйы режим сын цы зынвадаттӕ ӕрхаста, уымӕй. ПӔК-ы минӕвӕрттӕ та ӕмбарын кӕнынц, хъӕуы уазджытӕн пропуск райсыны фадат кӕй ис цыфӕнды афон дӕр, уелиттӕгтӕн сӕхи та пропуск ӕппындӕр нӕ хъӕуы.

ЦХИНВАЛ, 1 июл — Sputnik, Босыкты Наталья. Хуссар Ирыстоны ПӔК-ы кусджытӕ бамбарын кодтой Знауыры районы Уелиты хъӕуы цӕрджытӕн арӕнгӕрон зонӕйы уӕвынады уагӕвӕрд.

Ирон хъӕу Уелит ӕвӕрд у хуссарирыстойнаг-гуырдзыстойнаг арӕнмӕ ӕввахс. Хъӕуы цӕрджытӕ ӕрӕмбырд сты майрӕмбоны, цӕмӕй равдисой се ‘нӕразыдзинад, ацы хъӕумӕ ӕрбацӕуын цы уазджыты фӕнды, уыдонӕн пропусктӕ исыны процедурӕимӕ.

"Уый у зынвадат, нӕ хӕстӕджытӕй нӕм исчи куы ӕрбацӕуы ӕмӕ йӕ арӕнгӕрон пункты куы нӕ ӕрбауадзынц, пропуск ӕм кӕй нӕй, уый аххосагӕн", — дзуры бынӕттон цӕрӕг.

ПӔК-ы минӕвӕртты ныхӕстӕм гӕсгӕ, иу аз ӕмгъуыд цы пропускӕн ис, уымӕн райсӕн ис Знауыры районы администрацийы алы бон дӕр цыфӕнды рӕстӕг дӕр.

ПӔК: туристтӕн арӕнгӕрон зонӕтӕм ӕнӕ сӕрмагонд пропусктӕй цӕуыны бар нӕй

Бынӕттон регистрациимӕ цӕрджытӕ та сӕрибар сты пропусктӕ исынӕй.

"Кӕд уӕм уазӕг ӕхсӕв ӕрхӕццӕ, уӕддӕр пропуск уайтагъддӕр райсӕн уыдзӕн фадыгон ӕххӕстбарджынмӕ улӕфт бонты дӕр, ӕхсӕвыгон дӕр", — ӕрсидт Уелиты хъӕуы цӕрджытӕм комитеты минӕвар.

Ведомствӕйы кусджытӕ фӕлвӕрдтой бамбарын кӕнын цӕрджытӕн ацы мадзӕлтты нысан, кӕцытӕ здӕхт сты куыд Хуссар Ирыстоны паддзахадон арӕн, афтӕ арӕнгӕрон хъӕуты цӕрджыты ӕдасдзинад хъахъхъӕнынмӕ.

"РХИ цы уынаффӕ рахаста, уымӕ гӕсгӕ 2015 азӕй фӕстӕмӕ арӕнгӕрон хъӕуты цӕрджытӕ хӕсджын сты ӕдасдзинад бахъахъхъӕныны нысанӕн арӕнгӕрон зонӕтӕм цӕуыны уагӕвӕрд ӕххӕст кӕнын", — загъта ПӔК-ы минӕвар.

Уый банысан кодта, пропусктӕ исын кӕй нӕ хъӕуы "Тагъд ӕххуыс", УУМ ӕмӕ ӕндӕр экстренон службӕты.

Хуссарирыстойнаг хъӕу Уелиты арӕнгӕрон пункт ӕвӕрд ӕрцыд 2012 азы, РХИ къухдариуӕгады уынаффӕмӕ гӕсгӕ.

Ног хабӕртты лентӕ
0