ЦХИНВАЛ, 4 июл — Sputnik. Уӕрӕсейы ӕмӕ Хуссар Иры мидхъуыддӕгты министрӕдтӕ сарӕзтой иунӕг информацион-координацион центр (ИКЦ).
Ӕмбӕлон документ бафыстӕуыд къуырисӕры Цхинвалы. Документы бын сӕ къухфысттӕ сӕвӕрдтой Хуссар Иры МХМ сӕргълӕууӕг Лӕууойты Ӕхсар ӕмӕ Уӕрӕсейы МХМ сӕргълӕууӕджы хӕдивӕг Игорь Зубов.
ИКЦ сӕйраг нысан уыдзӕн оперативон-нысаниуӕгджын информаци дих кӕнын, фыдгӕнджытӕ агурынӕн ӕххуыс кӕнын.
Бадзырд бафыстӕуыд Цхинвалы, Интеграци ӕмӕ ӕмгуыстады фӕдыл стыр бадзырды фӕлгӕтты, кӕцы 2015 азы марты бафыстой президенттӕ Владимир Путин ӕмӕ Тыбылты Леонид.
