Ӕхсӕнадон организаци "Иры сомбон" уадзы футболон турнир сывӕллӕтты командӕты ӕхсӕн, загъта Sputnik организацийы минӕвар Плиты Андрей. Йӕ ныхӕстӕм гӕсгӕ, ахӕм турнир уагъд цӕуы фыццаг хатт, фӕлӕ йӕ фӕнд кӕнынц саразын ӕрвылазон.
"Чемпионат "Иры Сомбон"-ы кубок уыдзӕн ивгӕ азӕй азмӕ ӕмӕ уыдзӕн турниры уӕлахиздзаумӕ азы дӕргъы", — загъта уый.
Турнир райдыдта цыппӕрӕмы. Фыццаг хъазт ацыд горӕты стадионы. Майрӕмбоны кӕронмӕ бахӕццӕ дыккаг хъазт "Лига чемпионов"-ы футболон фӕзуатыл.
Ӕдӕппӕт турниры хайад исынц 12 сывӕллӕтты футболон командӕтӕ Цхинвалӕй ӕмӕ республикӕйы районтӕй. Фыццаг ӕртӕ бынӕтты хицӕуттӕм ӕнхъӕлмӕ кӕсынц майдантӕ ӕмӕ ӕхцайы фӕрӕзтӕ.
"Фыццаг бынаты уӕлахиздзауы схорзӕхджын кӕндзысты 15 мин сомӕй. Дыккаг бынаты — 10 мин сомӕй, ӕртыккаг бынатыл чи ацӕуа, уыдон та райсдзысты 5 мин сомы", — загъта Плиты Андрей.
Турнир кӕронмӕ бахӕццӕ уыдзӕн 7 июлы.
