ЦХИНВАЛ, 6 июл — Sputnik. Алайнаг документалон кинонывты циклы æстæм киноныв "Китай. Аланский след"-ы премьерӕ уагъд ӕрцӕудзӕн Дзæуджыхъæуы этнолагеры августы райдианы, хъусын кæны газет "Владикавказ".
Этнолагеры бынæттонтæй дарддæр хайад райсдзысты ясаг фæсивæд Венгрийæ æмæ туркаг ирæттæ.
"Кинонывыл цыппар азы дӕргъы куыста зындгонд режиссер Туаты Теминæ. Циклы фарастæм киноныв "Аланы в Таврике", кӕцы систой историон зонæдты доктор Сланты Аланы сценаримæ гæсгæ, равдыстой ивгъуыд къуыри", — дзырдæуы хъусинаджы.
Кинонывты режиссер Туаты Темина йæ дарддæры плӕнттыл дзургæйæ банысан кодта, ныр та кæй фæнд кæнын сербиаг авторимæ бакусын.
Кинонывтæ сисыныл кусы студи "Нарт-Арт". Дзæуджыхъæуы этнолагерь цæудзæн 1-7 августы.
