ЦХИНВАЛ, 6 июл — Sputnik. Клуб "Ариана"-йы боксертӕ ссисты Советон Цӕдисы хъайтар Г. Нагуляны номыл XXXI ӕхсӕнадӕмон турниры уӕлахиздзаутӕ, хъусын кӕны 15 регион.
Рингмӕ рахызтысты 200 боксерӕй фылдӕр Казахстан, Сомихстон, Абхаз, Азербайджан, Хуссар ӕмӕ Цӕгат Ирыстон ӕмӕ Уӕрӕсейы регионтӕй. Цӕгат Иры ӕмбырдгонды сконды уыдысты спортивон клуб "Ариана"-йы ӕхсӕз боксеры, уыдонӕй фондз сситы уӕлахиздзаутӕ.
"Сӕ уӕзы категориты уӕлахиздзаутӕ ссисты нысан Гаглойты Арсен, Дзодзиты Сӕрмӕт, Толасты Давид, Гатыгкоты Артем ӕмӕ Джиоты Аслан. Тедцоты Хетӕг та ӕрдӕгфиналы карз ныхмӕлӕуды фембылд сочӕйаг боксер Дудукчанӕн", — дзырдӕуы хъусинаджы.
Турниры фӕстиуджытӕм гӕсгӕ, ирон боксертӕ хорзӕхджын ӕрцыдысты кубоктӕ, майдантӕ ӕмӕ грамотӕтӕй. Хуыздӕр техникӕйы тыххӕй Толасты Давидӕн лӕвӕрд ӕрцыд сӕрмагонд приз. Фыццаг иумӕйагкомандон бынат адих кодтой Ирыстоны ӕмӕ Сочийы ӕмбырдгӕндтӕ.
