ЦХИНВАЛ, 7 июл — Sputnik. Хуссар Ирыстоны президент Тыбылты Леонид тӕфӕрфӕс ракодта Иркутскы областы Уӕрӕсейы УУМ-ы хӕдтӕхӕг Ил-76 ӕрхауыны ӕнамонд цауы ӕмӕ йӕ экипажы бабыны фӕдыл, загъта Sputnik президенты пресс-секретарь Гана Яновская.
УУМ-ы хӕдтӕхӕг Ил-76 ӕрхауд 1 июлы Иркутскы областы. Цы дӕс адӕймаг уыд йӕ бортыл, уыдонӕй удӕгасӕй ничи аирвӕзт.
"Республикӕйы къухдариуӕгад, адӕм ӕмӕ сӕрмагондӕй мӕхи номӕй мӕсӕллӕй кӕнын ацы ӕбуалгъ трагедийы фӕстиуӕгӕн чи фӕмард, уыдон хиуӕттӕ ӕмӕ хӕстӕджытӕн",- дзырдӕуы Тыбылты Леонид Уӕрӕсейы УУМ-ы сӕргълӕууӕг Владимир Пучковмӕ цы тӕл арвыста, уым.
Президент ма арвыста мӕсӕллӕйы тел экипажы уӕнгтӕй иу Хадаты Марӕты хиуӕттӕ ӕмӕ хӕстӕджытӕм.
"Зӕрдӕрыстӕй сӕмбӕлдыстӕм ацы ӕвирхъау трагедийы уӕззау хабарыл, кӕцы ахаста бирӕнымӕц адӕймаджы удтӕ, кӕцыты ӕхсӕн уыд не мзӕххон Хадаты Мурӕт Марклены фырт дӕр. Марат Марклены фырт уыд йӕ райгуырӕн бӕстӕйыл ӕнувыд хъӕбул ӕмӕ йӕ цардӕй ахицӕн йӕ ӕмбӕстагон хӕс ӕххӕстгӕнгӕйӕ",- дзырдӕуы телы.
