ЦХИНВАЛ, 7 июл — Sputnik. Цӕгат Ирыстоны тӕрхондон республикӕйы Кировы районы цӕрджытӕн аскъуыддзаг кодта кодта 3,5 азы ахӕстоны фӕбадын хӕцӕнгарз уӕй кӕнын тыххӕй, фехъусын кодта ӔФС-йы регионалон управленийы пресс-службӕ.
2016 азы январы азымгондтӕй иу — Куджошвили Сослан — ахст ӕрцыд арӕнгӕрон пункт "Дӕллаг Зӕрӕмӕджы" Хуссар Ирыстонӕй Калашниковы автомат ӕмӕ уымӕ нӕмгуытӕ Уӕрӕсемӕ ӕрбаласын бафӕлварыны рӕстӕджы.
"Дарддӕры слестгӕнӕн мадзӕлтты рӕстӕджы фӕбӕрӕг, ацы фыдракӕнды ма аххосджын кӕй у 1984 азы гуырд Къазиты Василий дӕр", — дзырдӕуы управленийы хъусинаджы.
Цӕгат Ирыстоны Алагираг районон тӕрхондон азымгондты банымадта аххосджынтыл хӕцӕнгарз ӕнӕзакъонон ӕгъдауӕй уӕй кӕныны хъуыддаджы ӕмӕ дыууӕйӕн дӕр стӕрхон кодта ӕртӕ аз ӕмӕ ӕхсӕз мӕй ахӕстоны фӕбадын.
