ЦХИНВАЛ, 12 июл — Sputnik. Цæгат Ирыстоны хицауад балæвар кæндзæн фатертæ 2016 азы Олимпиаг хъæзтыты уæлахиздзаутæ æмæ призертæн, хъусын кæны республикæйы сæргълæууæджы пресс-службæ.
20016 азы Олимпиаг æмæ Паралимпиаг хъæзтыты æмткæй архайдзæн 14 спортсмены Цæгат Ирыстонæй.
"Цæгатирыстойнаг спортсментæ, кæцытæ архайыц Уæрæсейы æмбырдгонды сконды, олимпиаг хъæзтыты бæрзонд бынæттæ куы бацахсой, уæд республикæйы закъоны домæнмæ гæсгæ райсдзысты финансон æххуыс", — радæтта Цæгат Ирыстоны сæргълæууæджы хæстæ æххæстгæнæг Битарты Вячеславы ныхæстæ йæ пресс-службæ.
Битарты Вячеслав ма бахæс кодта республикæйы спорты министры хæстæ æххæстгæнæг Бæройты Хасанæн, цæмæй олимпиадæмæ цæуæг спортсменты цæттæ кæнынæн арæзт æрцæуой æппæт уавæртæ дæр.
