ЦХИНВАЛ, 14 июл — Sputnik. Срӕмыгъд цы бирӕуӕладзыгон хӕдзары анӕрыд, уый нӕ бахъыгдардта хӕдзары конструкцитӕ — ӕрмӕстдӕр фатер, фехъусын кодтой Sputnik РХИ УУМ-ы.
Срӕмыгъд анӕрыд Мамсырайы фырты уынгыл, 14-ӕм хӕдзары, зиан баййӕфта ацӕргӕ сылгоймаг, ныппырх сты фатеры рудзгуытӕ. Срӕмыгъд ӕрцыд газ кӕй ахъуызыд, уый аххосӕй.
"УУМ инспектортӕ ӕмӕ кусджытӕ куыстой цауы бынаты, басгӕрсты фыццаг хатдзӕгтӕ сты ууыл дзурӕг, ӕмӕ срӕмыгъд кӕй нӕ бахъыгдардта фондзуӕладзыгон хӕдзары конструкцитӕ", — загътой УУМ-ы.
Фатеры хицау, 1932 азы гуырд сылгоймгаг ис республикон рынчындоны реанимацион хайады.
Зианбаййӕфӕг сылгоймаджы уавӕрӕн дохтыртӕ аргъ кӕнынц, куыд уӕззау.
