ЦХИНВАЛ, 14 июл — Sputnik. Ацы азы кæронмæ Цæгат Ирыстоны хъуамæ скуса æнæбюджетон телеуынынад мадæлон æвзагыл. Ног националон телеуынынад саразыны фæдыл фехъусын кодта Цæгат Ирыстоны сæргълæууæджы хæстæ æххæстгæнæг Битарты Вячеслав Ветеранты цæдисы фембæлды рæстæджы.
"Хицауады раз æвæрд æрцыд националон телеуынынад саразыны хæс, уый хъуамæ скусын кæнæм 2016 азы кæронмæ. Ӕвзæрст æрцыдысты хатæнтæ, уыдон ныртӕккӕ цалцæг цæуынц. Нысан æрцыд фидæны телеуынынады къухдариуæггæнæг, кæцы архайы коллектив æрæмбырд кæныныл", — хъусын кæны Битарты Вячеславы ныхæстæ йӕ пресс-службæ.
Уый ма бафтыдта, ацы информацион фӕрӕз тагъд рæстæджы трансляци кӕй цæудзæн дунейы алы къуымты.
Телеуынынады ифтонгад балхæнынæн финансон фæрæзтæтæ рахицæн кæнынмæ цæттæ сты Цæгат Ирыстонæй рацæуæг адæм.
