ЦХИНВАЛ, 19 июл — Sputnik. Цхинвалы цæрæг бахауд рынчындонмæ аварийы фæстиуæгæн, фехъусын кодтой Sputnik Хуссар Ирыстоны УУМ-ы.
"Дыууæ машинæйы кæрæдзийыл сæмбæлдысты, Коцты Констатины æмæ Октябры уынгтæ кæм иу кæнынц, уым. Коцыйы фырты уынгыл цы хæдтулгæ цыд, уый ныццавта Октябры уынгыл сцӕйцӕуӕг таксийы. Таксийы бæлццон райста цæфтæ æмæ йæ ирвæзынгæнджытæ фæхæццæ кодтой рынчындонмæ. Медикты ныхæстæм гæсгæ, асаст йæ синыстæг, рынчыны уавæр у стабилон", — загътой УУМ-ы.
Фæндагон-траспортон цауы иннæ хайадисджытӕ ницы зиан баййæфтой.
