Цхинвалы фæбæрæг сты хуыздæр къамисджытæ

© Sputnik / Фатима ПлиеваЦхинвалы фæбæрæг сты хуыздæр къамисджытæ
Цхинвалы фæбæрæг сты хуыздæр къамисджытæ - Sputnik Хуссар Ирыстон
Рафыссын
Фотоконкурсы цыппар номинацийы уæлахиздзаутæ ссисты Гæбæраты Нелли, Габайты Владимир, Гæззаты Тимур æмæ Хуыгаты Ростислав.

ЦХИНВАЛ, 20 июл — Sputnik. Цхинвалы равзæрстой фотоконкурс "Хуссар Ирыстон 2016"-ы уӕлахиздзауты, фехъусын кодта Sputnik мадзалы организатор Гуыцмæзты Эльза.

Фотоконкурс сорганизаци кодта культурæйы министрады дӕлбар адæмон сфæлдыстады центр. Йӕ сӕргълӕууӕг Гуыцмæзты Эльзайы ныхӕстӕм гӕсгӕ, фотоконкурсмæ куырдиæттæ ист цыдысты дыууæ мæйы дæргъы.

"Ӕрбавдисгæ куыстытæй жюрийы уæнгтæ хуыздæртыл банымадтой: номинаци "Пейзаж"-ы Хуыгаты Ростиславы, "Цхинвал абон" — Гæбæраты Неллийы, "Фауна" — Габаты Владимиры æмæ "Ӕнусты цыртдзæвæнтæ" — Гæззаты Тимуры ист къамтӕ", — радзырта уый.

Фотоконкурсмæ бавдисгæ куыстытæн саргъ кодта жюри республикæйы аивады сгуыхт кусджыты скодæй. Конкурсы уæлахиздзаутæ хорзæхджын æрцæудзысты 26 августы — Уæрæсейы ‘рдыгӕй Хуссар Ирыстоны хæдбардзинад банымайыны цытæн мадзæлтты рæстæджы.

Гӕбӕраты Нелли - Sputnik Хуссар Ирыстон
Цхинвайлаг Нелли Блай - Гӕбӕраты

"Ногдзауты парчы нæ фæнды 26 августы баиу кæнын æмрæстæджы æртæ мадзалы. Схорзæхджын кæндзыстæм конкурсы уæлахиздзауты грамотӕтæ æмæ æхцайы премитæй, сæ куыстытæн та сараздзыстæм равдыст, стæй ма ауадздзыстӕм адæмон æрмдæсныты армука-равдыст æмæ хъазт", — бафтыдта йæ ныхæстæм Гуыцмӕзон.

Культурæйы министрады адæмон сфæлдыстады центр фотоконкурсы уадзы ныр дыккаг хатт. Фыццаг сæ тыхтæ бафæлвæрдтой 2014 азы æмæ йæ фидæны та фæнд кæныц саразын æрвылазон.

Ног хабӕртты лентӕ
0