ЦХИНВАЛ, 20 июл — Sputnik. Хуссар Ирыстоны парламент йæ радон президиумы æркæсдзæн республикæйы Централон æвзарæн къамисы ног сæрдары кандидатурæмæ, фехъусын кодта Sputnik закъондæттæг органы кусæг.
Йæ ныхæстæм гæсгæ, Тыбылты Леонид ногæй бавдыста ныры ЦӔК-ы сæрдар Плиты Беллӕйы кандидатурӕ, кæцы ацы бынаты кусы 2001 азæй фæстæмæ.
"ЦӔК ног сӕрдары тыххӕй фарст ӕвзӕрст ӕрцӕудзӕн депутатон каникулты размӕ президиумӕн цы рабадт уа, уым", — загъта ратӕдзӕн.
Уый бафтыдта, зӕгъгӕ, Тыбылты Леониды ӕрбавдисгӕ кандидатурӕ ницы фарстытӕ сӕвзӕрын кодта депутаттӕм ӕмӕ "ӕнхъӕл дӕн, сфидар ӕй кӕндзысты".
