Депутаттӕ сӕ каникултӕ арвитдзысты ӕвзарджытимӕ ӕмбӕлгӕйӕ

© Sputnik / Ада БагианРХИ парламенты депутаттӕ
РХИ парламенты депутаттӕ - Sputnik Хуссар Ирыстон
Рафыссын
Каникултӕ парламенты хъуамӕ райдыдтаиккой 20 июлы, фӕлӕ цалдӕр ахсджиаг фарстмӕ ӕркӕсыны ӕнӕмӕнгхъӕуӕгдзинады тыххӕй уыдон ахастой цалдӕр бон фӕстӕдӕрмӕ.

ЦХИНВАЛ, 22 июл — Sputnik. Хуссар Ирыстоны парламенты депутаттӕ 27 июлы цӕуынц сӕрдыгон каникулты. Уалдзыгон сессийы фӕстаг рабадт уагъд ӕрцӕудзӕн уымӕй бон раздӕр.

Улӕфты размӕ парламентаритӕ хъуамӕ сфидар кӕной ЦӔК-ы сӕргълӕууӕджы кандидатурӕ, къамисы ног сконд ӕмӕ байхъусой 2015 азӕн хицауады куысты фӕдыл хыгъдлӕвӕрдмӕ.

Парламент - Sputnik Хуссар Ирыстон
Парламент хорзыл банымадта Плиты Беллӕйы кандидатурӕ ЦӔК-ы сӕргълӕууӕджы бынатмӕ

Бибылты Анатолийы ныхӕстӕм гӕсгӕ, каникултӕ хъуамӕ райдыдтаиккой 20 июлы, фӕлӕ цалдӕр ахсджиаг фарстмӕ ӕркӕсыны ӕнӕмӕнгхъӕуӕгдзинады тыххӕй ахаст ӕрцыдысты цалдӕр бон фӕстӕдӕрмӕ.

"Сӕрдыгон каникултӕ цалдӕр бон фӕстӕдӕр кӕй райдайдзысты, уый тыххӕй бахастон фӕндон, цӕмӕй адарддӕр уой 5 сентябры онг. Уымӕй дарддӕр, депутаттӕ хъуамӕ каникултӕ ма нымайой улӕфты рӕстӕгыл. Хъӕуы ауадзын фембӕлдтӕ ӕвзарджытимӕ", — загъта Бибылты Анатолий.

Ӕввахсдӕр ссесийы рӕстӕджы депутаттӕ цы фарстытӕм хъуамӕ ӕркӕсой, уыдон майрӕмбоны хорзыл банымадтой президиумы рабадтыл.

Ног хабӕртты лентӕ
0