ЦХИНВАЛ, 25 июл — Sputnik. Информацион агентад ӕмӕ радио Sputnik Хуссар Ирыстон рауагъта радиоэфиры фыццаг радиоалӕвӕрдтӕ ирон ӕмӕ уырыссаг ӕвзагыл. Ӕнцонвадат подкастты форматы Sputnik Хуссар Ирыстон интернет-порталыл уыдзысты ӕвӕрд информацион-аналитикон ӕмӕ авторон алӕвӕрдтӕ, кӕцытӕ агайынц республикӕйы ӕхсӕнадон-политикон, экономикон, социалон ӕмӕ культурон царды алы къабаз дӕр.
Sputnik Хуссар Ирыстон къухдариуӕггӕнӕн Нарек Ордян радзырдта порталы ног опцийы тыххӕй.
"Националон массон информацийы фӕрӕзты бонмӕ Sputnik рауагъта ног радиоалӕвӕрдтӕ ирон ӕмӕ уырыссаг ӕвзӕгтыл. Мах рауӕрӕх кодтам нӕ радиоконтент, бакодтам дзы культурӕ, националон традицитӕ ӕмӕ республикӕйы фенддагдӕр бынӕттыл дзурӕг алӕвӕрдтӕ",- загъта Нарек Ордян.
Ног авторон алӕвӕрдты ӕхсӕн уыдзысты:
— информацион-аналитикон алӕвӕрд "Без пробелов" суыдзӕн дискуссион фӕзуат, цы ран уынаффӕ кӕндзысты бӕстӕ ӕмӕ дунейы медиатыгъдады резонансон темӕтыл.
— культурон-ахуырадон алӕвӕрд "Иронэтикет" хъусджыты зонгӕ кӕндзӕн ирон ӕгъдӕуттимӕ.
— ахуырадон алӕвӕрд "Личность в фокусе" нывонд уыдзӕн Ирыстоны зындгонд адӕймӕгтӕн.
— хиирхӕфсӕн алӕвӕрд "Достопримечательность дня" зонгӕ кӕндзӕн хуссарирыстойнаг архитектурӕйы цыртдзӕвӕнтӕ ӕмӕ республикӕйы тобæгонд бынӕттимӕ.
Sputnik (sputniknews.com) — ног хабӕртты агентад ӕмӕ радио мультимедион информацион хабтимӕ дӕсгай бӕстӕты. Sputnik-ы сконды сты 30 сайттӕй фылдӕр, аналогон ӕмӕ цифрон радиофидиуӕн, мобилон ӕмхасӕнтимӕ ӕмӕ социалон хызӕгты фӕрстимӕ. Рафысджытӕн ног хабӕртты лентӕтӕ ӕнӕхъӕн суткӕйы дӕргъы цӕуынц англисаг, арабаг, испайнаг ӕмӕ китайаг ӕвзӕгтыл.
