ЦХИНВАЛ, 26 июл — Sputnik, Биазырты Дзерассӕ. Цӕгат Ирыстоны ӕрцахстой барадхъахъхъӕнӕн органты кусджыты ӕмӕ ӕмбӕстӕгты къорды, кӕцытӕ ӕнӕзакъонон ӕгъдауӕй куыста машинӕты бынатаивдыл уадзӕн пункт Уӕллаг Ларсы бирӕкилометрон рады, фехъусын кодта пресс-конференцийы рӕстӕджы РЦИ — Аланийы мидхъуыддӕгты министр Михаил Скоков.
"Абон ӕхсӕвы Уӕллаг Ларсы уадзӕн пункты ӕрцахстӕуыд организацигонд фыдгӕнон къорд, кӕцы барадхъахъхъӕнӕн органты кусджыты патронажӕй куыста автотранспортон рады бынатаивдыл. Ӕрцахсты рӕстӕджы фыдгӕнджытӕм разынд хӕцӕнгарз", — загъта министр.
Йӕ ныхӕстӕм гӕсгӕ, фыдгӕнджытӕ цы машинӕйы уыдысты, уый уыд тонировкӕ ӕмӕ йыл уыд конд мӕнг паддзахадон номыртӕ.
"Фӕндагон — патрулон службӕйы куысджытӕй дыууӕйӕ ныридӕгӕн сӕрибаргонд ӕрцыдысты сӕ бынӕттӕй. ФПС-йы ноджы дыууӕ кусӕджы ахасты уагъд цӕуы кусӕгон басгӕрст", — банысан кодта Скоков.
Уадзӕн пункт "Уӕллаг Ларс"-ы сӕвзӕрд уӕззау уавӕр — цъыфы зӕй ӕрцӕуынӕй тас кӕй у, уый тыххӕй транспорт уадзынц ӕрмӕстдӕр боныгон, уаЭкономидзӕн пунктыл ӕрӕмбырд вӕййынц бирӕкилометрон радтӕ.
