ЦХИНВАЛ, 27 июл — Sputnik. Президент Тыбылты Леонид, премьер Хъуылымбегты Доменти ӕмӕ УФ президенты ӕххуысгӕнӕг Владислав Сурков телефонон бастдзинады руаджы ӕруынаффӕ кодтой Хуссар Ирыстоны экономикӕйы фарстытыл, фехъусын кодта РИА Новостийӕн Политикон конъюктурӕйы центры директор Алексей Чеснаков.
Чеснаковы ныхӕстӕм гӕсгӕ, "ныхасы рӕстӕджы дзырд цыд экономикӕйы къабазы иумӕйаг куысты фарстытыл".
"Банысан ӕрцыд, уӕрӕсейаг фарс хорзыл кӕй нымайы ӕмгуыстады гъӕд. Бахахх ӕрцыд инвестицион программӕ ӕххӕст кӕныны, сӕрмагонд бизнесы размӕцыды, Хуссар Ирыстоны фӕндӕгты арӕзтады фӕдыл хицауады куыст", — банысан кодта Чеснаков.
