ЦХИНВАЛ, 1 авг — Sputnik. Цӕгат Ирыстоны ӕрцыд стыр фӕндагон-транспортон цау: "Дзӕуджыхъӕу-Мӕздӕг" фӕндаджы 15 километрыл кӕрӕдзийыл сӕмбӕлдысты дыууӕ машинӕйы, цӕй фӕстиуӕгӕн фӕмард сты ӕхсӕз адӕймаджы, фехъусын кодтой республикон МХМ-ы пресс-службӕйы.
"Хуыцаубоны, 13.30 сахатмӕ ӕввахс, "Дзӕуджыхъӕу-Мӕздӕг" фӕндаджы 15 километрыл ӕрцыд фӕндагон-транспортон цау дыууӕ машинӕйы хайадистӕй, фӕмард ӕхсӕз адӕймаджы", — дзырдӕуы хъусинаджы.
Пъӕлицӕйы зонӕнтӕм гӕсгӕ, "Лада-Гранта"-йы шофырмӕ нӕ уыд шофыры бартӕ, уый рацыд ныхмӕдзог фӕндагмӕ ӕмӕ балӕгӕрста ВАЗ-2110-ыл. Ӕнамонд цауы фӕстиуӕгӕн фӕмард сты ӕхсӕз адӕймаджы — дыууӕ шофыры дӕр ӕмӕ сӕ пассажиртӕ. Ноджы ма иу пассажиры фӕхӕццӕ кодтой рынчындонмӕ, цӕй фӕстӕ йӕ ауагътой хӕдзармӕ.
