ЦХИНВАЛ, 1 авг — Sputnik. Цæгат Ирыстоны сæйраг æвзарæн къамисы срегистраци кодтой фыццаг кандидатты Уæрæсейы Паддзахадон думæйы депутаттæм, хъусын кӕны ПТРК"Алания".
Кандидаттӕй бахастой Бестауты Сослан ӕмӕ Кучиты Гарийы.
"Æмбырды æвдисæндартæ радтой Уæрæсейы Либералон демократон партийы минæвар Бестауты Сосланæн. Парти "Рæстдзæвин Уæрæсе" иумандатон æвзарæн зылды бахаста Кучиты Гарийы кандидатурӕ", — дзырдӕуы хъусинаджы.
Фембæлды ма сбæрæг кодтой, æвзæрстытæ саразынæн фæрæзтæ куыд дихгонд цæудзысты, уый. Ӕвзӕрстыты 370 къамисы хайады куыстӕн бахъæудзæн 32 милуан сомы.
