ЦХИНВАЛ, 5 авг — Sputnik. Хуссар Ир ӕмӕ Гуырдзыстоны ӕхсӕн арӕн ӕхгӕд уыдзӕн ӕртӕ боны мидӕг. Мадзӕлттӕ ист цӕуынц гуырдзиаг агрессийӕн нывонд мадзӕлттӕ уадзыны рӕстӕджы ӕдасдзинад сифтонг кӕныны нысанӕн, фехъусын кодтой паддзахадон ӕдасдзинады комитеты пресс-службӕйы.
Республикӕйы ацы бонты мысдзысты 2008 азы августы гуырдзиаг агрессийы амӕттӕгты. Мысӕн мадзӕлттӕ уагъд ӕрцӕудзысты Цхинвалы ӕмӕ Хуссар Ирыстоны алы районы дӕр.
"Зӕрдылдарӕн мадзӕлттӕ уадзыны фӕдыл, 6 августы 20.00 сахатӕй рӕстӕгмӕ ӕхгӕд ӕрцӕудзысты Хуссар Ирыстон ӕмӕ Гуырдзыстоны ӕхсӕн паддзахадон арӕныл ӕвӕрд уадзӕн пункттӕ", — загъта пресс-службӕйы кусӕг.
Ведомствойы банысан кодтой, уадзӕн пункттӕ ӕрвылбонон режимы кӕй скусдзысты 9 августы 09.00 сахатыл.
