ЦХИНВАЛ, 5 авг — Sputnik. Рио-де-Жанейройы Олимпаг хъæзтыты майдантыл стох кӕндзысты ирон спортсментӕ, хъусын кӕны ПТРК "Алания".
Бразилийы сæйраг горæт Рио-де-Жанейройы майрӕмбоны райдайдзысты Олимпаг хъæзтытæ.
"Уæрæсейы иугонд командæйы уæнгтимæ уыдзысты: уæгъдибар хъæбысхæстæй — Рæмонты Сослан, фехтованийæ — Санаты Аидæ æмæ бæхылбадыны спортæй — Андрей Митин. Ирон фæсивæдæй æндæр бæстæты кад хъахъхъæндзысты Четойты Георгий, Фриаты Таймураз, Зассеты Ален, Даураты Сослан, Бестауты Отар æмæ æндæртæ", — дзырдӕуы хъусинаджы.
Ацы аз Олимпаг хъæзтытæм бахастой спорты дыууæ ног хуызы — гольф æмæ регби-7.
Æдæппæтæй Рио-де-Жанейройы Олимпаг хъæзтыты спортсментæ сæ хъару æмæ арæхстдзинад æвдисдзысты спорты 306 хуызæй.
