Националон банк рауадздзӕн згъӕрӕхцатӕ Советон Цӕдисы Хъайтарты хуызисттимӕ

© Sputnik / Дина ГассиеваСтыр Фыдыбӕстӕйон хӕсты хъайтартӕн цырт
Стыр Фыдыбӕстӕйон хӕсты хъайтартӕн цырт - Sputnik Хуссар Ирыстон
Рафыссын
Згъӕрӕхцатыл уыдзысты ирон хъайтартӕ Плиты Иссӕ, Хетӕгкаты Георгий ӕмӕ Мамсыраты Хадзы-Умары хуызисттӕ.

ЦХИНВАЛ, 16 авг — ¬Sputnik, Козаты Дианӕ. Хуссар Ирыстоны Националон банк фӕнд кӕны рауадзын сыгъзӕрин ӕмӕ ӕвзист згъӕрӕхца ӕртӕ ироны — Советон Цӕдисы Хъайтарты хуызисттимӕ, фехъусын кодта журналисттӕн Националон банчы сӕргълӕууӕг Зассеты Феликс.

Згъӕрӕхцатыл уыдзысты ирон хъайтартӕ — Плиты Иссӕ, Хетӕгкаты Георгий ӕмӕ Мамсыраты Хадзы-Умары хуызисттӕ.

"Уыдон сты нӕ адӕмы егъаудӕр минӕвӕрттӕ, уымӕ гӕсгӕ аскъуыддзаг кодтам сӕ хуызисттимӕ згъӕрӕхцатӕ рауадзын", — загъта Зассеты Феликс.

Хуссар Ирыстоны Националон банк згъӕрӕхцатӕ фыццаг хатт рауагъта 2013 азы, Уӕрӕсе Хуссар Ирыстоны хӕдбардзинад банымайыны хъуыддагыл фондз азы кӕй сӕххӕст, уый цытӕн.

Сыгъдæг Георгийы хуызистимæ згъæрæхца - Sputnik Хуссар Ирыстон
Хуссар Иры фæзындысты зæрдылдарæн згъæрæхцатæ аргъуанты хуызистытимæ

Згъӕрӕхцатӕ ма уагъд ӕрцыдысты Хӕтӕгкаты Къостайы, Абайты Уасойы юбилейтӕм, республикӕйыл 25 азы сӕххӕсты бонмӕ. Ацы аз банк рауагъта зӕрдылдарӕн згъӕрӕхцатӕ республикӕйы аргъуантӕй цалдӕры хуызисттимӕ.

Мамсыраты Хадзы-Умар (1903-1968) иста хайад Испаны Ӕмбӕстагон хӕсты, афтӕ ма советон-финнаг хӕсты ӕмӕ Стыр Фыдыбӕстӕйон хӕсты. Лӕвӕрд ын ӕрцыд Советон Цӕдисы Хъайтары ном.

Плиты Иссӕ — ӕфсады инӕлар, Советон Цӕдисы дыууӕ хатты Хъайтар, Монголы адӕмон республикӕйы хъайтар. Стыр фыдыбӕстӕйон хӕсты рӕстӕджы номджын инӕлары ном 16 хатты кой цыд ССР Цӕдисы Уӕлдӕр командӕгӕнӕг Иосиф Сталины бардзырдты.

Сӕ нӕмттӕ лӕвӕрд ӕрцыдысты Цхинвалы уынгтӕн.

Хетӕгкаты Георгий — советон ӕфсӕдты хистӕр, ӕфсады инӕлар, Советон Цӕдисы Хъайтар. Дзӕуджыхъӕуы уынгтӕй иу хӕссы йӕ ном, ӕвӕрд дзы ис мемориалон фӕйнӕг.

Ног хабӕртты лентӕ
0