Хуссар Иры ахуырадон уагдæтты цæттæ кӕнынц ног ахуыры азмæ

© Sputnik / Ада Багиан5-æм скъола Цхинвалы
5-æм скъола Цхинвалы - Sputnik Хуссар Ирыстон
Арæзтадон-цалцæггæнæн куыстытæ цæуынц Цхинвалы бирæпрофилон колледжы æмдзæрæндоны, æвзонг техникты станцы, сывæллæтты сфæлдыстадон галуаны, Мугут, Арцеу, Бихъар, Цъинагар æмæ æндæр хъæуты скъолаты. Уыдон се ‘ппæт дæр хъуамæ сцæттæ уой 1-æм сентябрьмæ.

ЦХИНВАЛ, 17 авг — Sputnik. Хуссар Ирыстоны ахуырадон уагдæтты ног ахуыры азы ӕрбалӕудмӕ цæуынц цалцӕггӕнӕн куыстытӕ, фехъусын кодта Sputnik ахуырады министры хӕдивӕг Лолаты Аслан.

Уæлдæр ахуыргæнæн уагдæтты, скъолаты, скъолайы агъоммæ уагдæтты аразынц хъармгæнæн системæтӕ, цалцæг цæуынц агъуыстытæ æмæ хатæнтæ, фидар кæнынц коммуникацитæ.

"Цхинвалы бирæпрофилон колледжы хъæутæй цы фæсивæд ахуыр кæны, уыдонæн горæты æрлæууæндон нæ уыд. Ныр ахуырадон уагдоны æмдзæрæндоны цæттæ цæуыц хатæнтæ. Арæзтадон-цалцæггæнæн куыстытæ ма цæуынц æвзонг техникты станцы, сывæллæтты сфæлдыстадон галуаны, Цхинвалы скъола-интернаты. Ӕппæт куыстытæ дæр хъуамæ фæуой 20 августмæ", — радзырдта Лолаты Аслан.

© Sputnik / Ада БагианАрæзтадон-цалцæггæнæн куыстытæ скъолайы
Ремонт школы №11 - Sputnik Хуссар Ирыстон
Арæзтадон-цалцæггæнæн куыстытæ скъолайы

Афтӕ ма, министры хӕдивӕджы ныхӕстӕм гӕсгӕ, цӕттӕгӕнӕн куыстытæ уагъд цæуынц республикӕйы районты ахуыргæнæн уагдæтты дӕр.

"Куыстытӕ цæуынц Дзауы, Мугуты, Арцеуы, Бихъары æмæ Цъинагары скъолаты. Кæцыдæрты цæуынц цалцæггæнæн куыстытæ, кæцыдæрты та аразынц хъармгæнæн системæтӕ", — бафтыдта йæ ныхæстæм уый.

Уымӕй дарддӕр ма цалцӕг кӕнынц скъолайы агъоммæ ахуырадон уагдæттӕ дæр — уый нысанæн горæты администрацийæн хицæн æрцыд 6 милуан сомы.

Хуссар Иры æмткæй ис 53 скъолайы æмæ 23 сабидоны.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала