ЦХИНВАЛ, 25 авг — Sputnik. Уӕрӕсейы ‘рдыгæй Хуссар Иры хæдбардзинад банымайыныл аст азы сæххæсты бон банысан кæныны рæстæджы Хуссар Ир æмæ Гуырдзыстоны ‘хсæн паддзахадон арæн сæхгæндзысты æдасдзинад бахъахъхъæныны сæраппонд, фехъусын кодтой Sputnik Паддзахадон æдасдзинады комитеты пресс-службæйы.
26 авгуысты Хуссар Ирыстон æстæм хатт банысан кæндзæн йæ хæдбардзинад банымайыны бон. Республикæйы ацæудзæн къорд бæрæгбонон мадзалы.
"Ӕдасдзинад бахъахъхъæныны мадзæлттæ фæкарздæр кæныны фæлгæттты 25 августы 20.00 сахатæй фæстæмæ Хуссар Ир æмæ Гуырдзыстоны ‘хсæн арæныл фæхуымæтæггонд уадзæн пункттæ уыдзысты æхгæд", — загъта уагдоны пресс-секретарь.
Уадзæн пункттæ ӕрвылбонон режимы сæ куыст сног кæндзысты 27 августы 7.00 сахатæй.
Ӕхсæнадон фæткмæ ацы бонты сæ цæст дардзысты барадхъахъхъæнæг органты сæдæ кусæджы дӕр.
