Гергиты Валерий ратдзӕн концерт Берлинаг музыкалон фестивалы

© Sputnik / Алексей Даничев / Ахизын фотобанкмӕМаэстро В.Гергиев провел акустический тест новой сцены Мариинки
Маэстро В.Гергиев провел акустический тест новой сцены Мариинки - Sputnik Хуссар Ирыстон
Бафыссын
Yandex newsTelegram
Гергиты Валерий бафыста контракт Мюнхенаг оркестримӕ 2015 азы. 2011 ӕмӕ 2012 азты Мариинаг театры оркестр стыр ӕнтыстимӕ ауагъта концерттӕ Мюнхены проект "Гергиты Валерийы Шостакович". Оркестры сӕйраг дирижеры бынатмӕ "Мариинаг" музыканты фӕхонын 2015 азы сфӕнд кодта горӕттаг совет.

ЦХИНВАЛ, 5 сен — Sputnik. Берлины иууыл егъаудӕр классикон музыкӕйы фестиваль Musikfest Berlin ӕрбайгом ацы бонты бавайраг радиойы Симфоникон оркестры концертон номырӕй, ацы аз фестивалы йӕ музыкалон арӕхстдзинад равдисдзӕн Мюнхенаг филармонион оркестр Гергиты Валерийы къухдариуӕгадӕй, хъусын кӕны РИА Новости.

Фестивалы программӕ у тынг хъӕздыг. Ацы хуыцаубоны уагъд ӕрцыд Джон Уилсоны оркестр "John Wilson Orchestra"-йы концерт.

Гергиты Валерий бафыста контракт Мюнхенаг оркестримӕ 2015 азы. 2011 ӕмӕ 2012 азты Мариинаг театры оркестр стыр ӕнтыстимӕ ауагъта концерттӕ Мюнхены проект "Гергиты Валерийы Шостакович". Оркестры сӕйраг дирижеры бынатмӕ "Мариинаг" музыканты фӕхонын 2015 азы сфӕнд кодта горӕттаг совет.

Фестиваль Musikfest Berlin адарддӕр уыдзӕн 20 сентябры онг. Фестивалы фӕлгӕтты ӕрвылаз дӕр уагъд ӕрцӕуынц бӕрзонд ӕмвӕзады дӕсгай концерттӕ егъау дирижерты къухдариуӕгадӕй. Ацы аз Берлинаг филармонийы уагъд ӕрцӕудзӕн 27 концерты, 20 камерон ӕмӕ симфоникон оркестры сӕххӕст кӕндзысты 35 композиторы 70 уацмысы.

Ӕртыццӕджы уагъд ӕрцӕудзӕн оперон театры хор ӕмӕ оркестры Deutsche Oper-ы концерт, майрӕмбоны 9 сентябры та уазджыты размӕ рахиздзысты фӕзуаты фысымтӕ — Берлинаг филармонион оркестры музыканттӕ. Программӕйы фӕлгӕтты ма уагъд ӕрцӕудзысты Симон Боливары номыл венесуэлаг Симфоникон оркестры, Бавайраг паддзахадон оркестры концерттӕ.

Ног хабӕртты лентӕ
0