ЦХИНВАЛ, 5 сен — Sputnik. Уӕгъдибар стилы ирон хъӕбысӕйхӕцӕг Хуыбылты Хъазбег рамбылдта сыгъзӕрин майдан юниорты ӕхсӕн дунейы чемпионаты, кӕцы уагъд ӕрцыд французаг Маконы, хъусын кӕны Р-Спорт.
Ӕдӕппӕт Уӕрӕсейы ӕмбырдгонды къухты ацы турниры бафтыд 14 майданы — цыппар сыгъзӕрин, цыппар ӕвзист ӕмӕ ӕхсӕз бронзӕ.
Ирон богал уӕлдӕр пробӕ майдан раста 120 кг онг уӕзы категорийы.
Уӕрӕсейӕгты ӕхсӕн ма фыццагады уӕлахиздзаутӕ ссисты греко-римаг стилы богал Владислав Мельников (50 кг онг), уӕъдибар стилы хъӕбысӕйхӕцӕг Арсен-Али Мусалалиев (84 кг онг) ӕмӕ сылгоймӕгты ӕхсӕн та Ксения Незговорова (51 кг онг).
Ноджы ма иу ирон богал — Беккуызарты Руслан — рамбылдта бронзӕ майдан 96 кг онг уӕзы категорийы.
