ЦХИНВАЛ, 6 сен — Sputnik. Олимпион чемпион уæгъдибар хъæбысхæстæй Рæмонаты Сосланыл æртыццæджы фембӕлдзысты Цхинвалы, фехъусын кодтой хицауады пресс-службæйы.
Олимпион хъæзтыты Рио-де-Жанейройы фæстаг бон Рæмонаты Сослан райста сызгъæрин майдан, кæцы ссис 19-æм Уæрæсейы æмбырдгондӕн. Уыцы изæр Цхинвалы цæрджытæ нысан кодтой се 'мбæстаджы уæлахиз, горæты уынгты цыдысты ирон тырысатимæ æмæ куывтой спортсмены 'нæниздзинадæн.
"7 сентябры нæ республикæмæ æрцæудзӕн олимпион чемпион, Хуссар Ирыстоны æмбæстаг Рæмонаты Сослан. Уый тыххæй спорткомплекс "Олимпы" цæттæ кæнынц цалдæр мадзалы. Ирон чемпионæн раарфæ кæндзысты республикæйы къухдариуæгад, æхсæнады минæвӕрттæ æмæ йæ фарсхæцджытæ", — загътой пресс-службæйы.
Спортсменимæ ма Цхинвалмæ æрцæудзысты йæ тренер Мæргъиты Анатолий æмæ уæрæсейаг æмбырдгонды сæйраг тренер Тедеты Дзамболат.
