Хуссар Иры Паддзахадон Думӕмӕ депутатты ӕвзардзысты 12 фадыгыл

© Sputnik / Сергей Мальгавко /  Ахизын медиабанкмæПредвыборная агитация перед выборами в Госдуму РФ седьмого созыва
Предвыборная агитация перед выборами в Госдуму РФ седьмого созыва - Sputnik Хуссар Ирыстон
Рафыссын
Хуссар Ирыстоны ӕмбӕстӕгтӕн сӕ фылдӕрӕн ис уӕрӕсейаг ӕмбастагад дӕр, уымӕ гӕсгӕ уыдонӕн сӕ бон у хъӕлӕс кӕнын.

ЦХИНВАЛ, 6 сен — Sputnik. Уӕрӕсейы Паддзахадон Думӕмӕ ӕвзӕрстыты бон Хуссар Ирыстоны ӕрбайгом уадзӕн дыууадӕс ӕвзарӕн фадыджы — фондз горӕт Цхинвалы, иу — горӕт Къуайсайы ӕмӕ фӕйнӕ иу та республикӕйы цыппар районты. Дыууӕ фадыджы та ӕвӕрд уыдзысты 4-ӕм уӕрӕсейаг ӕфсӕддон базӕйы.

Паддзахадон Думӕмӕ ӕвзӕрстытӕ уагъд ӕрцӕудзысты 18 сентябры. Уыдон уыдзысты ӕмхӕццӕ системӕмӕ гӕсгӕ:225 депутаты ӕвзӕрст цӕуынц партион хыгъдтӕм гӕсгӕ, иу уыйас та — иумандатон зылдтӕм гӕсгӕ. Хуссар Ирыстоны ӕмбӕстӕгтӕн сӕ фылдӕрӕн ис уӕрӕсейаг ӕмбастагад дӕр, уымӕ гӕсгӕ уыдонӕн сӕ бон у хъӕлӕс кӕнын.

Горӕт Цхинвалы хъӕлӕскӕныны фадгуытӕ сӕвӕрдзысты уӕрӕсейаг миӕварады бӕстыхайы, №№ 1, 5 ӕмӕ 6-ӕм скъолаты, профцӕдисты бӕстыхайы. Фӕйнӕ иу фадыг ӕрбайгом уыдзӕн Знауыры, Дзауы ӕмӕ Ленингоры районты, афтӕ ма Дменисы скъолайы бӕстыхайы Цхинвалы районы. Ноджы ма иу фадыг та ӕрбайгом уыдзӕн горӕт Къуайсайы клубы бӕстыхайы.

Ӕвзарӕн фадгуытӕ кусдзысты 8.00 сахатӕй 20.00 сахатмӕ 18 сентябры.

Раздӕр УФ ЦӔК райста уынаффӕ, уӕрӕсейаг ӕмбӕстагад цы Хуссар Ирыстоны цӕрджытӕн ис, уыдон бафыссын Фӕсбайкалы краймӕ, Читайы ӕвзарӕн зылдмӕ.
Республикӕмӕ ӕрӕрвитдзысты федералон номхыгъды ӕмӕ иумандатон зылдты 50,8 мин бюллетены.

Уӕрӕсейы Централон ӕвзарӕн къамис ма ӕрбахуыдта республикӕйы минӕвӕртты, Паддзахадон Думӕмӕ депутатты ӕвзӕрстыты ӕхсӕнадӕмон цӕстдарды хайад райсыны нысанӕн.

Уӕрӕсейы хицауады органтӕм ӕвзӕрстытӕ ма уагъд ӕрцыдысты Хуссар Ирыстоны: 2011 азы уӕрӕсейаг минӕварады ӕрбайгом Паддзахадон Думӕмӕ ӕвзӕрстыты фӕдыл ӕвзарӕн фадыг, 2012 азы та — УФ президенты ӕвзӕрстыты фӕдыл.

Ног хабӕртты лентӕ
0