ЦХИНВАЛ, 7 сен — Sputnik. Хуссар Ирыстоны уӕвӕг уӕрӕсейаг ӕфсӕддон базӕйы дӕлхайадтӕ хайад райстой стратегион командон-штабон ахуырты "Кавказ-2016", фехъусын кодта дыццӕджы УФ Хъахъхъӕнынады министрады информаци ӕмӕ дзыллон коммуникациты департамент.
Ахуыртӕ ацыдысты Цӕгат Ирыстоны "Тарскӕ"-йы полигоныл, афтӕ ма Краснодары крайы, кӕцыты рӕстӕджы "Хуссар ӕмӕ Ныгуылӕн ӕфсӕддон зылдты дӕлхайадтӕ иумӕйаг рейдон мадзӕлтты руаджы архайдтой мӕнг ныхмӕлӕууӕгыл ӕрхъула кӕнын ӕмӕ скуынӕг кӕнын".
Департамент куыд банысан кодта, афтӕмӕй дӕлхайадты иумӕйаг архайдтыты рӕстӕджы спайдагонд ӕрцыд ӕфсӕддон техникӕйӕ — БМП-3, БТР-80А, танктӕй Т-72БМ ӕмӕ Т-90А, хӕдцӕугӕ артиллерион машинӕтӕй "Мста-С", залыппон зынджы ракетон ӕмӕ зенитон системӕтӕй" хӕстон ӕхсты этапыл спайда кодтой ӕнӕпилотон тӕхгӕ аппараттӕй "Орлан", "Застава", "Гранат" ӕмӕ "Леер"-ӕй.
