ЦХИНВАЛ, 7 сен — Sputnik. Хуссар Ирыстоны скъолаты 1-4 кълӕсты ахуыргæнинæгтæ се ‘ппæт дæр ифтонг æрцæудзысты ахуыргӕнӕн чингуытæй, фехъусын кодта Sputnik ахуырады министрады пресс-секретарь Плиты Яна.
Скъолатæ ахуыргæнæн æрмæгæй ифтонг цæуынц паддзахадон заказмæ гæсгæ.
"Ахуыргæнæн чингуытæ нымад сты цыппар азæн. Се ʻхсæн ис математикæ, уырыссаг æвзаг æмæ литературæ, музыкæ, нывкæнынад, физикон культурæ æмæ æндæр чингуытæ. Ахуыргæнæн чингуытимæ цæуынц кусæгон тетрӕдтæ дæр. 36 мин чиныджы уæрст цæуынц республикӕйы райдайæн скъолатыл", — банысан кодта уагдоны пресс-секретарь.
Йӕ ныхӕстӕм гӕсгӕ, ахуыргӕнӕн чингуытӕн уал Хуссар Ирыстонмæ æрластой сӕ 70%, аннæтæ мыхуыр цæуынц рауагъдадтæ "Просвещение" æмæ "Дрофи"-йы Мæскуыйы.Уыдон та республикӕмӕ ‘рхӕццӕ уыдзысты 10 октябрьмæ.
