ЦХИНВАЛ, 16 сен — Sputnik. Хуссар Ирыстоны уӕвӕг уӕрӕсейаг ӕфсӕддон базӕйы сӕрмагонд ӕмӕ танкон дӕлхайӕдтӕ, афтӕ ма мотоӕхсджытӕ, артиллеристтӕ ӕмӕ зенитчиктӕ ауагътой тактикон ахуыртӕ хӕстон ӕхстимӕ полигон "Дзарцемы", хъусын кӕны ХӔзы пресс-службӕ.
"Дзарцемы мотоӕхсджытӕ, артиллеристтӕ, зенитчиктӕ, танкисттӕ ӕмӕ ХӔЗы уӕрӕсейаг базӕйы сӕрмагонд дӕлхайӕдтӕ ауагътой тактикон ахуыртӕ хӕстон ӕхстимӕ. Ахуырты хайад райстой 600 службӕгӕнӕджы, 200 иуӕджы онг ӕфсӕддон хотыхтӕ ӕмӕ техникӕ", — дзырдӕуы хъусинаджы.
Тактикон ахуырты рӕстӕджы ӕфсӕддонтӕ ӕхстой танкӕтӕй Т-72А, хӕстон машинӕтӕй БМП-2, хæддзæугæ гаубицӕтӕй "Акация", минӕхсӕгтӕй "Сани" ӕмӕ афтӕ дарддӕр.
Ахуырты рӕстӕджы куынӕг ӕрцӕудзысты условон ныхмӕлӕуджытӕ, афтӕ ма ӕфсӕддонтӕ бакусдзысты тохы ныхмӕ маневртыл дӕр.
