ЦХИНВАЛ, 16 сен — Sputnik. Цхинвалы цӕрӕгмӕ хӕдзары ӕнӕзакъононӕй ӕвӕрд уыд бирӕнымӕц хӕцӕнгарз, хӕстӕрмӕджытӕ ӕмӕ рӕмудзӕн ӕрмӕджытӕ, уыдон байстой Паддзахадон ӕдасдзинады комитеты кусджытӕ, фехъусын кодтой Sputnik уагдоны пресс-службӕйы.
"ПӔК-ы кусджытӕ цы оперативон бакуыст ауагътой, уый рӕстӕджы ӕнӕзакъонон ӕрзылдӕй фӕцух ӕрцыд бирӕнымӕц хӕцӕнгарз, хӕстӕрмӕджытӕ ӕмӕ рӕмудзӕн ӕрмӕджытӕ, кӕцытӕ ссардӕуыд Цхинвалы, 8 июны уынджы сӕрмагонд хӕдзӕрттӕй иуы", — фехъусын кодтой ПӔК-ы.
Ӕнӕзакъонон хӕцӕнгӕрзты ӕхсӕн уыдысты — автомат АКМС, ӕртӕ фӕсарӕйнаг маркӕ пистолеттӕ "Глок»", 23 гранатӕтӕ РГД-5 ӕмӕ Ф-1, тротилон æхсаргардтӕ, дӕсгай нӕмгуытӕ гранатӕхсӕгтӕм, нӕмгуытӕ ӕмӕ ӕндӕртӕ.
ПӔК бакодта уголовон хъуыддаг "хӕцӕнгарз ӕнӕзакъононӕй химӕ дарыны" статьяйы фӕдыл.
